Monday, April 8, 2019

Modrik Neeti Ka Vistrat Adhyyan

Samanytaya modrik neeti se aashy sarkar athva kendiry bank ki us niyantran neeti se lagaya jaata hai, jiske antargat kuchh nishchit uddeshyon ki prapti ke liey mudra ki matra, uski laagat tatha uske upyog ko niyantrit karne ke upay kiye jaate hain. Professor harry G jonson ke shabadon mein modrik neeti ka arth kendiry bank ki us niyantran neeti se hai jiske dwara kendriy bank samany arthik neeti ke lakshayon ko prapt karne ke uddeshy se mudra ki poorti par niyantran karta hai. Modrik neeti saakh ki poorti or uske upyog ko prabhavit karke, sfiti ka mukabala karke tatha bhugtan sanutlan ke samy ko sthapit karke arthik vikas ki gati ko teevr karne mein sahayak hote hain.

Iske madhyam se niji upyog athva sarkari vyay ke sadhanon ke pravah ko ghataya badhaya jaa sakta hai tatha viniyog or poonji nirman ke liye uplabdh sadhanon ki matra mein aavashyaktanusar parivartan kiya jaa sakta hai or is parka rkrishi va udhyogon ki mudra evam saakh ki aavashyaakton ki poorti ki jaa sakti hai. Kisi bhi desh ki ek upyukt modrik neeti bachat va viniyog ke liye upyukt vatavaran taiyar krti hai, saakh ki lagat ko kam karke bachat va viniyog ko protsahit karti hai, modrik sansthaon ki sthapana karke nishkriy sadhanon ko gatisheel banati hai, sfiti ke dabav ko niyantrti karke atirikt viniyog ke liye upyukt vatavaran padia karti hai or heenarth prabandhan dwara vikasatmak viniyog ke liye atirikt sadhan uplabdh kar sakti hai.

Bharat mein modrik neeti ka sanchalan: bhartiy reserve bank bharat ka kendriy bank hai tatha yah bharat mein modrik neeti ka sanchalan karta hai. Iski sthapana ek april unees so pantees ko ki gayi thi. Ek april unees so unanchas ko iska rashtiryakran kar diya gya. Yah bank mukhytah nimnlikhit karyon ko sampan karta hai. Patr mudra ka nirgaman karna. Bankon ka bank ka kary karna. Sarkar ke banker, agent tatha salahakar ke roop mein kary karna. Vinimay dar ko sthir banaye rakhna. Krishi va udhyog ki saakh ki vyavastha karna. Aankade sanaklit karna tatha unhe prakashit karna. Mudra va saakh par niyantran rakhna.

Utpadan evam vitran par rajkiy niyantran
Utpadan ke shetr mein niyantran: sarkar audhyogik neeti va license prakriya ke madhyam se arthvyavastha ke audhyoigk shetr ko niyantrti karti hai. Sarkar arthik kriayon par aavashyaktanusar hastshep karti hai. Utpadan ke shetr mein sarkari hastshep ka pratham svaroop audhyogik license raha hai. Bhartiy sansad ne audhyogik neeti prastav unees so adtalees ke baad unees ko ikyavan mein audhyogik vikas evam niyaman adhiniyam laagu kiya tha. Iske antargat bharat mein samast vinirman ikaiyon ko sarka rke paas panjikarat karana anivary tha. Vartman audhyogik neeti ke prastavon ke anusar abu kuchh ikaiyon ko chhodkar jo suraksha ki drashti se mahatvpoorn ahi anyon ko panjikrat karana anivary nahi hai.


Purani vyavastha mein licensing gke niyamon ko nimnlikhit uddeshyon ke liye apanaya gya tha. Udhyogon ka santulit shetriy vikas. Bad evyavsayik gharanon ki or adhik vradhi par rok. Naye udhyogon ko sanrakshan, laghu udhyogon ke liye kuchh shetron ko reserve karna. Kathor niyamon evam prashasnik niyantranon mein vradhi ke karan niji shetr hatotsahit ho raha tha. Ab is neeti mein udarta audhyogik vikas ki or ek srahaniy kadam hai. 1991 mein ghoshit udarvadi audhyogik neeti evam baad mein kiye gaye sanshodhanon ke antargat ab keval do udhyogon ke liye license lena anivary hai, videsh poonji viniyog ko protsahan diya gya hai, videshi takneek ke anek samjhoton ke svatah anumodna ki vyavastha ki gayi hai or niji hsetr ke vistar ko protsahit kiya gya hai. 

Utpadan Par Rajkiy Niyantran Ka Bhag Do

Sarvjanik vitran pranali: arthvyavastha par sarkar ka bhotik niyantran sarvjanik vitran or rationing pranali ke roop mein bhi hota hai. Jaisa ki ham jaante hain maang or poorti ki sapekshit shaktiyon dwara nirdharit muly samajik drashti se sadaiv vanchhaniy nahi hote. Vastuon ki poorti kam hote hi unke muly teji se badhne lagte hain. Hamare desh mein anivary vastuon ki pray kami rahti hai. Iske teen pramukh karan hai. Ham khadyannon jais anivary evam vipnan yogy vastuon ka utpadan nahi kar paate. Utpadit maal ke bhandaran evam vipanan mein paryapt dosh hai. Bade vyavsayi satta bajari ke liye khadyannon ka sangrah karte hain. Maang paksh ki drashti se bharity upbhoktaon ki kray shakti mien bahut asamantaein hai. Nirdhan logon ke paas kray shakti ka abhav rahta hai.

Atah yadi khadyannon ki maang or poorti sapekshik shaktiyon ke sahare chhod diya jaaye to kray sahkti ke abhav ke karan hamari jansakhya ka ek bahut bada bhag inhe kharid nahi paayega, falswaroop ek or to kuposhan evam bhookhmari hogi doosri or apvyay evam ati upbhog ki sthiti hogi. Atah yah aavashyak hai ki sarkar khadyann, mitti ka tel or isi prakar ki any anivary vastuon ki vasooli, keemat nirdharna or vitran is prakar kare ki uski maang or poorti dabavon se rakhsa ki jaa sake. Iske liye sarkar teen kadam utha sakti hai. Prathmik utpad ko uski upaj ki paryapt keemat avashy di jaani chahiye, anaytah vah utpadan badhane mein hichkichayega.

Atah sarkar ko ek aisi kemat ki ghoshan ke liye sadaiv taiayar rahna chahiye, jis par vah sarvjanik vasooli ke madhaym se kisan ke atirikt maal ko kharid sake. Hamare desh mein kendr sarkar krishi muly aayog ke sujhavon ke aadhar par krishi vastuon ke vasooli muly ki ghoshana karke krishi utpadon ko kharidati hai. Vasool kiye gaye stock ke liye paryapt bhandaran suvidhaon ka nirman kiya jaana chahiye. Isse sarkar ke paas bada surakshit bhandar mojood rahega, bajar mein kemat sthirta bani rahegi or satte bajari ki pravarti hatotashit rahegi. Sarvjanik vitran pranali ke madhyam se in vastuon ka vikray kiya jaata hai.


Sampoorn desh mein sarkari niyantran wale vitran kendron athva uchit muly ki dukaon ke madhyam se anivary vastuon ki sarvjanik vitran pranali ko prabhavi banaya jaata hai. Bharat mein khadyann, cheeni, mitti ka tel, aadi ka vitran uchit muly ki dukanon se hota hai. Niyantrit vastuon ki bikri upbhokta sahakri samitiyon ke madhyam se ki jaati hai. Khadyannon evam cheeni ki sarvjanik vitran ki vyavastha adhikansh rationing ki yojana ke madhyam se uchit muly dukanon dwara ki jaati hai. Upbhoktaon ke liye prati vyakti kota nirdharit kar diya jaata hai. Is prakar sarvjanik vitran pranali ke madhyam se alp aay ya nimn varg k eupbhoktaon ko upbhog sanrakshan diya jaata hai. 

Arthik Vikas Mein Rajkiy Hastshep Ke Uddeshy

Arthik vikas mein rajkiy hastshep ke nimnlikhit uddeshy hain. Dehs mein uplabdh prakartik sansadhanon ka vivekpoorn vidohan karna. Shetriy asamanta mein kami lane ke liye vikendrikrat audhyogik vikas ko protsahit karna. Arthik sankendran ko kam karna tatha ekadhikari pravarti par niyantran karna. Videshi vinimay vikas hetu upyog. Rashtriy hit ko surakshit karne ke liye videshi nivesh ko nirdeshit karna.

Rajkiy hastshep ki vidhiyan

Rajkoshiy neeti
Samanytah rajkoshiy neeti se abhipray sarvjanik aay, sarvjanik vyay evam arjvanik ran se sambandhit neetiyon se lagaya jaata hai. Professor aurther smithij ne kaha hai ki rajokoshiy neeti vah neeti hai jisme sarkar apne vyay tatha agam ke karykram ko rashtriy aay, utpadan athva rojgar par vanchhit prabahv dalne or avanchhit prabhavon ko rokne ke liye prayukt karti hai. Rajkoshiy neeti arthik neeti ka ek prahavshali yantra hai or arthik sthayitv ka ek sashakat sadhan hai. Is prakar rajkoshiy neeti ke antargat sarkar sarvjanik aay, sarvjanik vyya tatha sarjvanik ran ke dwara arthvyavastha par vanchhit prabhav dalne ke prayas karti hai. Rajkoshiy neeti ke pramukh upkaran nimnlikhit hai.

Kararopan: kar ek anivary anshdan hai jise pratyek kardata ko anivary roop se sarkar ke kar vibhag ko dne ahota hai. Ek neeti ke upkaran ke roop mein kar arthvyavastha ko nimn prakar prabhavit karte hain. Ameer vyaktiyon ki aay par apekshakrat adhik kar lagakar aay evam dhan ke vitran ki vishamtaein kam ki jaa sakti hai. Aisa kar dhancha, jisme kar ki darein kramshah badhti jaati hai, ek nyuntam aay ke star ko karmukth rakhte hue, aay ki asamanta ko kam rakhne mein sahayak hai. Vilasita ki vastuon par nche kar lagakar aay ki asamanta ko kam kiya jaa satka hai. Unche pratyaksh kar aayaton ko hatotsahit karte hain. Apratyaksh karon mein kami audhyogik vikas ko gati pradan karti hai. Kar vikas ke liey aavashyak poonji jutate hain. Karon dwara prapt aay ke parinamswaroop sarvjanik nivesh mein vradhi arthik evam samajik aadharik sanrachna ke vikas mein sahayak hai.

Sarvjanik vyay: kendry, rajy evam sthaniy sansthaon dwara kiye gaye vyay ko sarvjanik vyay kahte hai. Arthik uddeshyon ko prapt karne ke liye sarvjanik vyay ka nimnlikhit prakar se prayog kiya jaa sakta hai. Sarvjanik vyay dwara upbhog star, jeevan star, karyshamta ka star or antatah utpadakta ke star mein vradhi ki jaa sakti hai. Sarvjanik vyya arthik sadhanon ke sthanantran ko prabhavit karta hai. Pragatisheel sarvjanik vyya ki padhati apnakar arthik vishamtaon ko kam kiya jaa sakta hai. Sarvjanik vyay dwara sarvjanik nirman ki yojanaon ko aarambh karke rojgar mein vradhi ki jaa sakti hai. Sarvjanik vyay dwara arthik viaks ko prtosahit kiya jaa sakta hai.


Sarvjanik ran: jab sarkar apni vitty aavashyakaton ko apni aay ki samany madon se poora nahi kar paati, to use sarvjanik ran ka sahara lena padta hai. Is prakar sarvjanik ran sarkar ke vyayon ki poorti karne ka ek sadhan hai. Atah sarkar dwara liya gya ran sarvjanik ran kahlata hai. Yah ran apne hi desh mein athva videsh se liya jaa sakta hai. Sarvjanik ran arthvyavatha par nimn prabhav dalte hai. Utpadak karyon par vyay kiya gya sarvjanik ran utpadan shakti mein vradhi karta hai. Sarkari ran surakshit evam suvidhajanak hote hai. Atah ye bachat ko protsahit karte hain. Yadi ran nirdhan vyaktiyon ke laabharth vyay kiya jaa sakta hai to isse arthik asamantaein kam hoti hai. Ran vartman mein upbhog ko ghatate hain. Ran dwwara udhyog or vyapar evam vanchhaniy parivartan laaye jaa sakte hain. 

Arthik Vikas Mein Rajy Ka Yogdan

Ek poorntaya samajvadi arthvyavastha mein arthik nirnay poorntah sarkar athva kendriy satta dwara liye jaate hai. Iske viprit ek poorntaya poonjivadi arthvyavastha mein arthik nirnay bajar ki shaktiyon dwara liye jaate hain. Kintu bhartiy arthvyavastha ek mishrit arthvyavastha hai. Yahan ek vishal sarvjanik shetr hai, jisme sabhi nirnay rajy dwara liye jaate hai or rajy in nirnayon ko lete samay laabh ke bajay sarvjanik hit ko dhyan mein rakhta hai. Doosre shabadon mein mishrit arthvyavastha mein bhi sarvjanik shetr se sambandhit nivesh ke nirnay usi tarah liye jaate hain jis tarah samajvad mein. Sarvjanik shetr ke saath saath hamare yahan bahut bada niji shetr hai jisme maang or poorti ki sapekshik shaktiyan bajar tantr ke madhyam se arthvyavastha se thik usi prakra samanjasy sthapit karti hai jis parka rshudh poonjivad mein. Haan rajy samajik nyay ke saath arthik vikas ke lakshy ko prapt karne ke liye niji shetr ko niyamit evam niyantrit rakhta hai.

Rajy dwara hastshep-aavashyakta
Bhartiy arthvyavastha ek mishtrit arthvyavastha hai. Yahan sarvjanik shetr evam niji shetr dono hi saath saath kary karte hain. Sarvjanik shetr ka uddeshy samajik hit mein vradhi karna hai kintu niji shetr ka uddeshy adhiktam laabh arjit karna hai. Is uddeshy ki poorti hetu niji utpadak upbhoktaon va shramikon ka anek prakar se shoshan karte hain. Rajy ka dayitv samaj ko unke shoshan se bachana hai. Iske liye sarkar arthik kriyaon mein hastshep karti hai. Rajkiy hastshep ki aavashyakta nimnlikhit karnon se bhi hoti hai.

Samajik unnati: rashtr ka arthik vikas amajik unnati se pratyaksh roop se juda hai. Jab tak gareebi va berojgari jaisi gambheer samajik samasyaein vidyaman rahengi tab tak arthik vikas ki sambhavna nahi rahti. Is drashti se sarkar ki bhoomika in samajik samasyaon ko door karne mein mahatvpoorn hoti hai.

Janankiki sudhar: arthik vikas ko gati pradan karne tatha samajik kalyan ko nirantar evam utkrash banaye rakhne ke liey visfotak jansankhya vradhi dar, janm dar, ashiksha aadi par niyantran kiya jaana aavashyak hai. Iske liey sarkar is disha mein vibhinn prakar se prayas karti hai.

Arthik prerna: arthik vikas ko gati pradan karne ke liye arthik prerna ki aavashyakta hoti hai. Iske liye sarkar vivdh karykramon ke madhaym se arthik prerna pradan karne ka prayas karti hai.

Upyukt sansthaon ke madhaym se hastshep: arthik vikas ko sahi disha pradan karne kliye rajy vibhinn prakar ki sansthaon jaise neeti aayog, vitt aayog, krishi aaoyog ityadi ke madhaym se hastshep karti hai.

Koshal vikas: adhik jansankhya hone ke baad bhi bharat mein kushal shramikon ka abhav hai. Iske liye sarkar vibhinn parka rke koshal vikas karykram chalati hai jisse kushal shramik prapat ho sakein.

Tarkik kar pranali: kar pranali ka pratyaksh prabahv audhyogik evam vyaparik gatividihyon par padta hai. Arthik vikas ko gati dene tatha nivesh ka vatavaran banana ke liey tarkik kar pranali ka hona aavashyak hai.

Kushal prashasan tatha kanoon vyavastha ki sthapana: arthik ivkas ke liey vibhinn prakar ki suvidhaon ki poorn anivaryata hoti hai. Iske atirikt samajik tatha arthik sthirta evam shanty ki bhi aavashyakta hoti hai. Aisi sthiti mein sarkar police tatha prashasan ke madhaym se hastshep karti hai.

Videshi vyapar ko protsahan: sarkar apni neetiyon ke dwara desh mein videshi nivesh ko protsahan dene ke saath saath niryat ko bhi adhiktam karne ka prayas karti hai.

Arthik vatavaran taiyar karna: arthik vikas ke liye aavashyak hai ki desh ke arthik vatavaran ko udhyogon ke anukool banaya jaaye. Iske liye sarkar samajik unnyan tatha shiksha ke madhaym se hastshep kar arthik vatavaran taiyar karti hai.


Nivesh ko protsahan: sarkar vibhin prakar ki vitty sasthaon jaise bankin vyavastha, saakh ya ran vyavastha adi ke madhyam se nivesh ko badhava deti hai. Iske atirikt vibhinn anusandhan karykramon dwara navpravartan ko protsahit karti hai. 

Sunday, April 7, 2019

Neeti Aayog Ke Uddeshy Athva Kary

Neeti aayog nimnlikhit uddehsyon ke liye kary karega. Rashtriy uddeshyon ko drashtigat rakhte heu rajyon ki sakriy bhagidari ke saath rashtriy vikas ki prathmiktaon, shetron or ranneetiyon ka ek sajah drashtikon viksit karega. Neeti aayog ka vision, bal pradan karne ke liye pradhanmantri or mukhymantriyon ko rashtriy agenda ka praroop uplabdh karana hai. Sashakt rajy hi sashakt rashtr ka nirman kar sakta hai. Is tathy ki mahata ko svikar karte hue rajyon ke saath satat aadhar par sanrachnatmak sahyog ki pahal or tantr ke madhyam se sahyogpoorn sanghvad ko badhava dega.

Gram star par vishwasniy yojana taiyar karne ke liye tantr viksit karega or ise nirantar uchh star tak pahunchayega. Aayo yah sunishchit karega ki jo shetr vishesh roop se use soonpe gaye hain unki arthik kary neeti or samany neeti mein rashtriy suraksha ke hiton ko shamil kiya gya hai athva nahi. Bhartiy samaj ke un vargon par vishesh roop se dhyan dega jin tak arthik pragati ka laabh na pahunch pane ka jokhim hoga. Ranneetik or dirghavdhi ke liye neeti that karykram ka dhancha tiayar karega or pahal karega.

Saathi hi unki pragati or shamta ki nigarni karega. Nigrani or pratikriya ke aadhar par samay samay par sanshodhan sahi naveen sudhar kiye jaayenge. Mahatvpoorn hitdharkon tatha saman vichardhara wale rashtriy or antarrashtiry think tank or saath hi saath sahikshik or neeti anusandhan sansthanon ke beech bhagidari ko paramarsh or prtosahan dega. Rashtiry or antarrashtriy visheshagyon, practisnron tatha any hitdharkon ke sahyogatmak samuday ke madhyam se gyan, navachar, udyamsheelta sahayak pranali taiyar karega. Vikas ke agende ke karyanvayan mein teji lane ke kram mein antarshetriy or antar vibhagiy muddon ke samadhan ke liye manch pradan karega. Atyadhunik kala sansadhan kendr ka nirman jo sushasan tatha sata va nyaysangat vikas ki sarvshreshth kary pranali par anusandhan karne ke saath saath hitdharakon tak jaankari pahunchane mein bhi sahyata karega.

Aavashyak sansadhano ki pahchan karne sahit karykramon or upayon ke karyanvayan ke sakriy mulyankan or sakriy nigrani ki jaaeyig taaki sevaein pradan karne mein safalta ki sambhavnan ko prabal banaya jaa sake. Karykramon or neetiyon ke kriyanvayan ke liye prodhyogiki unnyan or shamta nirdharan par dhyan dena. Rashtiry vikas ke agnede or in uddeshoy ki poorti ke liey any aavashyak gatividhiyan sampadit karna.

Arthik vikas mein rajy ki bhoomika

Kisi bhi desh ke arthik vikas mein sarkar ki bhoomika sarvadhik mahatvpoorn hoti hai. Arthik vikas se aashy keval aay or sakal gharelu utpad mein vradhi nahi hia balki svasthy, shiksha, parivahan, suraksha aadi mein pragati bhi hai. Arthik vikas ek stat prakriya hai, jisse vastavik rashtriy aay mein dirghkaleen vradhi hoti hai, jansamany ka uphog star evam rahan sahan ka star uchh hota hai tatha samany kalyan mein vradhi hoti hai. Ek vikassheel arthvyavastha ka uddeshy nyay ke saath arthik vikas ke lakshy ko prapt karna hota hai. Iska aashy hai artihk vikas ke laabon ko samaj ke sabhi vargon tak pahunchana. Is lakshay ki prapti mein sarkar ka mahatvpoorn yogdan rahta hai. Kisi bhi desh ke arthik vikas mein rajy ki kya bhoomika rahegi, yah is baat par nirbhar karega ki desh mein pramukh arthik nirnay kon leta hai sarkar athva niij vyakit, utpadak, kreta or vikreta. 

Yojanakaal Mein Bharat Ka Arthik Vikas

Vikas dar: kuchh panchvarshiy yojanaon ko chhodkar ham nirdharit vikas dar ko prapt karne mein safal rahe hain. Pratham yojana mein prapt vikas dar teen point chha pratishat varshik thi jabki lakshay matra 2.1 pratishat varshik tha. Isi prakar athavin panchvarshiy yojana mein prapty arthik viaks ki varshik vradhi dar sadhe chhah pratishat pratishat rahi. Navi yojana mein ivkas dar 5.35 pratishat rahi. Dasavi yojana mein aath pratishat ka lakshy prapt nahi kiya jaa saka. Gyarhavin yojana mein varshik vikas dar lagbhag aath point do pratishat rahi.

Rashtriy aay evam prati vyakti aay mein vradhi: yojanakal mein shudh rashtiry utpad evam prati vyakti aay mein nirantar vradhi hui hai kintu jansankhya mein teevr vradhi hone ke karan prati vyakti aay mein vradhi dar asha se kam rahi.

Krishi evam audhyogik utpadan: yojanakaal mein krishi utpadan ki vradhi mein atyadhik uchhavachan hote rahe hain. Teesar yojana emin to yah dar ranatamak rahi. Isi prakar, doosri, chothi, chhathi evam athavin yojana ko chhodkar shesh yojanaon mein audhyogik vikas ki dar badhti rahi.

Parivahan evam sanchar: parivahan evam sanchar ke shetr mein yojanakal mein ullekhniy pragati hui. Railway lines ki lambai 66030 kimi, sadkaon ki lambai 52.32 laakh kimi tatha jahajrani ki sakal panjikrat shamta 70.7 laakh tan ho gayi. Havai parivahan, bandargaon ki sthiti or antirk jalmargon ka bhi vikas kiya gya hai. Sanchar vyavastha ke antargat vikas ke shetron mein dakkhano, telephone, raid station evam prasaran kendron ki sankhya mein bhi paryapt vradhi hui hai.

Shiksha evam svasthy suvidhaein: yojanakal mein shiksha ka bhi vyapak prasar hua hai. Bharat mein saksharat ki dar 1951 mein solah point saat pratishat thi jo 2011 mien lagbhag 74.04 pratishat ho gyai. Isi prakar yojanakal mein dehs mein svasthy suvidhaon mein ullekhniy vradhi hui hai.

Bankin sanrachna: yojanakal mein bankin sanrachna mein ullkehniy vradhi hui hai. Tees june 1960 ko vyaparik bankon ki shakhaon ki sankhya 8262 thi jo December 2016 ko badhkar lagbhag 99641 ho gayi. Rashtriykaran ke pashchat grameen shetorn mein banking shakhaon mein vyapak vistar hua hai.

Atmnirbharta: hamara desh yojanakaal mein atmnirbharta ki or agrsar hua hai. Pahle jin vastuon ka aayat kiya jaata tha aaj ve vsatuein hamare desh mein hi banana lagi hai. Khadyann utpadan mein hamara desh lagbhag atmnirbhar ho chukka hai. Videshi sahayata mein bhi kami aayi hai.

Samajik nyay: hamare desh mein arthik niyojana ka lakshay samajik nyay ke saath arthik vikas raha hai. Yojanakal mein samaj ke nirdhan varg ke uthan ke liye tatha gareebi va berojgari jaisi bhayavah samasyaon ke samadhan ke liye sarkar dwara anek yojanaein chaalu ki gayi hai jinke sarthak parinaam bhi dheere dheere samne aane lage hain.

Neeti aayog
1950 ke dashak mein astitv mein aaya yojana aayog ab itihas ke pennon mein chala gya hai. Sike sthan par nayi sanstha ek janvari 2015 se astitv mein aa gayi hai. Is nayi sanstha ko rashtiry bahrat parivartan sansthan naam diya gya hai tatha aamtor par neeti aayog ke naamse ise jaana jaa raha hai. Pradhanmatri ki adhyakshata wala yah aayog sarkar ke think tank ke roop mein kary karega tatha kendr sarkar ke saath rajy sarkaron ke liye bhi neeti nirman karne wale sanstha ki bhoomika nibhayega. Yah aayog kendr va rajy sarkaron ko rashtriy evam antarrashtriy mahatv ke muddon par ranneetik va takneeki salah bhi dega. Yah aayog panchvarshiy yojanaon ke bhavi svaroop aadi ke sambandh mein sarkar ko salah bhi dega.


Sabhi rajyon ke mukhymantriyon tatha kendrshasit shetron ke uprajypalon ko neeti aayog ki adhishasi parishad mein shamil kiya gya hai. Is prakar neeti aayog ka svraroop aayog kit ulna mein adhik sanghiy banaya gya hai. Pradhanmantri ki adhyakshata wale is aayog mein ek upaldhyaksh evam ek mukhy karykari adhikari ka pravadhan kiya gya hai. Amercia sthit colambia vishwvidhyalaya mein karyrat rahe professor arvind mangadhiya ko navgathit aayog ka upadhayksh banaya gya hai tatha yojana aayog ki sachiv rahi sindhushri khullar ko iska CEO niyukt kiya gya hai.

1975 bacth ki IAS adhikari sindhushri khullar april 2012 se yojana aayog ki sachiv thi. Inke atirikt prasidhh arthshastr vivek devray va drdo ke pramukh vk sarasvat tatha krishi visheshagy rameshchandr neeti aayog ke poornkalik sadasy banaye gaye hain. Jabki char kendriy mantra rajnaath singh, arun jately, suresh prambhu, radhamohan singh is aayog ke paden sadasy banaye gaye hain. Vishesh amantriton ke roop mein teen kendiry mantriyon nitin gadakari, samriti irani va thavarchand gahlot ko isme shamil kiya gya hai. 

Dasavi, Gyarhavi Evam Barahvin Panchvarshiy Yojanaein

Dasavi panchvarshiy yojana

Dasavi panchvarshiy yojana ke liye nimnakit uddeshy evam lakshay nirdharit kiye gaye the. Sakal rashtriy utpad ke aath pratishat lakshay ki prapti. Nirdhanta anupat ko ikees pratishat ke star par laana. Shram shakti k o laabhpoorn yojgar uplabdh karana. Prathmik shiksha ki pahunch ko sarvvyapak banana. Jansankhya ki dashakiy vradhi dark o 16.2 pratishat tak kam karna. Saksharta ke star ko pichahattar pratishat tak laana. Shishu mratyu dar ko pantalee prati hajar par do tak seemit karna. Vanon or vrakshon se ghire van shetr ko pachees pratishat tak badhana. Lagbhag sabhi gaanvon mein do hajar barah tak peyjal uplabdh karana. Sabhi mukhy nadiyon ki safai karna.

Uplabdhiyan: dasavi yojana mein GDP mein osat varshik vradhi dar 7.74 pratishat rahi. Krishi shetr mein osta vikas dar 2.30 pratishat tatha aduhyogik shetr mein 9.17 pratishat rahi. Seva shetr mein osta varshik vradhi dar 9.30 pratisat rahi jaki lakshay 9.4 pratishat tha. Yadyapi GDP mein vradhi dar behtar thi, phir bhi yah yojana apne lakshy se chook gayi. Kai any lakshayon ko bhi prapt nahi kiya jaa saka.

Mulyankan: dasavin yojana mein nirdharit varshik dar ke lakshy ko prapt nahi kiya jaa saka. Doosre, laabhpoorn rojgar uplabdh karane ke sambandh mein disha nirdesh aspasht the. Isme rojgar bahdane kel iye thos upayon ka jikr nahi kiya gya. Teesare, sansadhanon ke upyog ki kushalta badhane ke liye sujhav to diye gaye, kintu neetigat upayon ki charcha nahi ki gayi.

Gyarhavi Panchvarshiy Yojana

Is yojana ki avdhi 1 april 2007 ikatees march 2012 tak thi. Is yojana ke nimnlikhit lakshay evam uddeshy the. Teevr vikas ke saath samaveshi vikas ki ranneti apnana. GDP mein osat varshik vradhi dar ka lakshay no pratishat rakha gya. Krishi shetr ke liye char pratishat tatha vinirman shetr ke liye das pratishat ki osat varshik dar ka lakshay rakha gya. Yojanavdhi ke doran saath karod naye rojgar avsaron ke srijan ka lakshay rakha gya. Yojana ke ant tak nirdhanta anupat mein das pratishat ki kami laana. Grameen shetr mein teli ghanatv sattar pratishat tak badhana tatha san do hajar barah tak sabhi gaanvon ko broad band se jodna. Yojanavdhi ke doran saksharta dar ko badhakar pichahattar pratishat tak karna.

Upladhiyan: is yojana ke doran 3676936 karod dupay ki vitt vyavastha ki gayi thi jabki vastavik vyay isse adhikr aha. Gyarhavin yojana mein GDP mein ostar vradhi dar 7.9 pratishat rahi. Krishi mein osat varshik vradhi dar teen point do pratishat rahi. Rojgar avsaron mein vradhi ke liye vishesh arthik shetron ke ivkas par jor diya gya.

Barahvin panchvarshiy yojana

Bharat ki barahvin panchvarshiy yojana ke nirman ki disha ka marg October 2011 mein us samay prashast ho gya jab is yojana ki drashti patr ko rashtriy vikas parishad ne svikrati pradan kar di. Ek april do hajar barah se prrambh ho chuki is panchvarshiy yojana ke drashti patr ko yojana aayog ki bees august 2011 ki batihak mein svikar kar liya tha tatha kendriy mantriparishad ne iska anumodan 15 september 2011 ko apni baithak mein kiya hta. Barahvin panchvarshiy yojana mein varshik vikas dar ka lakshay no pratishat hai.


Is lakshay ko prapt karne ke liey krishi udhyog, va seaon ke shetr mein kramshah char, no point chha va das pratishat ki vrashik vradhi prpat karne ke lkashay tay kiye gaye hain. Inke liye nivesh dar sakal gharelu utpad ki adtees point saat pratishat prapt karni hogi. Bachat ki dar GDP ke chhattes point do pratishat prapt karne ke lakshay drashti patr mein nirdharit kiya gya hai. Thok muly soochkank barahvin panchvarshiy yojana mein 4.5-5.0 pratishat tak seemit rakhne ke lakshay hai. Yojnavdhi mein kendr sarkar ka osat varshik rajkoshiy ghata GDP ke 3.25 pratishat tak seemit rakhne ka akshay is yojana ke drashti patr mein nirdharit kiya gya hai.