Friday, April 5, 2019

Arthik Niyojan – Arth, Paribhasha Evam Uddeshy

Adhunik yug arthik niyojan ka yug kahlata hai. Aaj jeevan ke pratyek shetr ke pratyek charan mein, pratyek disha mein niyojana ka sarvangeen mahatv hai. Aaj vishw arthvyavastha ki dhamniyon mein arth nahi, varan niyojaan pravahit ho raha hai. Yadyapi prarambhik kaal se jeevan ke kisi na kisi bhag mein niyojana ko apnaya jaata raha hai kintu apne vartman roop mein arthik niyojan ke vichar ka vikas beesavin shatabadi mein hi hua. Bharat mein yadyapi svatantrata se poorv kisi na kisi roop mein arthik niyojana ki rooprekha banai jaati rahi, tathapi iska vastavik prarambh svatantrat ke pashchat hi ho saka. Dvitiy vishwyudh evam desh ke vibahjan ke baad bharat ki arthik sthiti paryapt bigad chuki thi or bahrat sarkar ke samane vibhinn samasyaein evam kathinaiyyan muhn baye khadi thi. In samasyaon ke samadhan hetu 1950 mein bharat mein yojana aayog ki sthapana ki gayi. Vartmane mein yojana aayog ka sthan neeti aayog ne le liya hai.

Arthik niyojan ka arth, paribhasha evam visheshtaein
Vibhinn arthshastriyon ne arhtik niyojan ki paribhasha bhinn bhinn drashtikon se di hai. Iski kuchh pramukh paribhashaein nimnlikhit hai. SE harris ke ansuar niyojan se abhipray muly ke sandarbh mein niyojan adhikari dwara nishchit uddeshyon tatha lakshayon ko prapat karne ke liye sadhanon ka avantan matra hai. H Dickson ke anusar arthik niyojan se abhipray mahatvpoorn arthik malaon mein vistrat tatha santulit nirnay lena hai. Doosre shabadon mein kya tatha kitna utpadan kiya jaayega or uska vitran kis prakar hoga. In sabhi prashnon ka uttar ek nirdharit satta dwara samast arthvyavastha ko ek hi rashtriy arthik iaki mante hue tatha sarvekshan ke aadhar par sache tatha vivekpoorn nirnay ke dwara diya jaata hai.

Uparyukt paribhasaon ko drashtigat rakhte hue arthik niyojan ki ek uchit paribhasha is prakar di jaa sakti hai – aarthik niyojan se aashy poorv nirhdairt or nishchit smajik or arthik uddeshyon ki poorti hetu arthyavastha ke sabhi angon ko ekikrat or samanvit karte hue rashtr ke sansadhanon ke sambandh mein soch vicharkar rooprekha taiyar karne or kendriy niyantran se hai.

Arthik niyojana ki mukhy visheshtaein agrlikhit hai. Niyojit arthvyavastha arthik sangathan ki ek padhati hai. Arthik niyojana ki samast kriyavidhi ek kendriy satta dwara sampan ki jaati hai. Arthik niyojana sampoorn arthvyavastha mein laagu hota hai. Niyojana ke antargat sadhanon ka vitran, prathmikaton ke anusar vivekpoorn reeti se kiya jaata hai. Uddeshy poorv nishchit hote hain. 

Uddeshy ki poorti hetu ek nishchit avdhi nirdharit ki jaati hai. Uddeshyon evam lakshayon ko prpat karne ke liye arthvyavastha ke vibhinn shetron mein niyantran lagaye jaate hain. Arthik niyojana ki safalta ke liye jan sahyog aavashyak hota hai. Niyojana ke nirantar dirghkaleen prakriya hai.

Bharat mein arthik niyojan ke uddeshy

Bharat mein arthik niyojan ke mukhy uddeshy nimnankit hai. Rashtriy aay evam prati vyakti aay mein dirghkaleen vradhi. Nirdhanta ke dushchakr ki samapti. Desh ko atm nirbhar banana, prakartik evam naviy sansadhanon ka uchit vidohan. Desh ka yojanabadh evam santulit arthik vikas. Desh mein rojgar ke avsaron ka vistar. Samajik evam arthik aadharik sanrachna ka nirman karna. Shiksha, prashikshan evam takneek ke uchh star ki prapti karna. Sanvidhan ke nideshak sidhhanton ka kriyanvayan evam samajvadi dhang se loktantrik samaj ki sthapana. 

0 comments:

Post a Comment