Thursday, April 4, 2019

Bhartiy Arthvyavastha Mein Laghu Tatha Kuteer Udhyogon Ki Samasyaein

Bharat ke kuteer tatha laghu udhyog aaj anek samasyaon se tarst hai. Yahi karan hai ki unka samuchit vikas nahi ho paa raha hai. In udhyogon ki pramukh samasyaein nimnlikhit hai.

Kachhe maal ka abhav: laghu udhyogon ko deshi tatha videsh dono prakar ka kachha maal paryapt matra mein uplabdh nahi hota. Pray jo maal inhe prapt hota hai vah achhi kism ka nahi hota.

Vitt ki samasya: bharat ka shilpkar pray bahut nirdhan hota hai or apni nirdhanta ke karan vah aavashyak poonji nahi juta paata. Atah nirdhan shilpkar apni saakh sambandhi aavashyakaton ke liye sahukaron tatha mahajanon ki sharan lete hain jo unka chhi tarah shoshan karte hai.

Paramparagat upkaran va utpadan vidhiyan: hamare desh mein laghu tatha kuteer udhyogon mein sanlagn adhikansh shilpi paramparagat upkarnon tatha purani utpadan padhatiyon ka hi prayog karte hain. Iske falswaroop ek or to utpadan kam hota hai or doosri or vastu ghatiya kism ki banti hai.
 
Vikray sambandhi samasyaein: laghu tatha kuteer udhyogon dwara nirmit samagri ko vikray karne min ebhi anek kathinaiyon ka samana karna padta hai.

Bade udhyogon se pratiyogita: in udhyogon ko desh ke vishal udhyogon dwara nirmit saman se teevr pratiyogita ka samana karna padta hai. Is pratiyogita mein ye udhyog kamjor pad jaate hai.

Chalak shakti ka abhav: kuteer udhyogon ko pray sasti machines tatha sasti bijali aadi suvidhaein uplabdh nahi hoti, jiske vajah se utpadan mein adhik vradhi nahi ho paati.

Janta ka asahyog: pray upbhokta kuteer udhyogon dwara nirmit vastuon ko pasadn nahi karte. Ve milon dwara nirmit adhuniktam fashion ki vastuein pasadn akrte hain. Parinaamtah in vasuton ki maang nahi hoti or shiulpkari ka kary thap ho jaata hai.

Karon ka bhar: bharat mein kuteer tatha laghu udhyogon ke utpadan par kar bhar bahut adhik hai. Pray shtaniy adhikariyon dwara bhari kar lagaya jaata hai jiska in udhyogon par pratikool prabhav padta hai. Laghu udhyog kar bhar ki vyavastha se atyadhik peedit hai.

Any samasyaein: kuteer udhyogon ko kuchh any samasyaon ka samana bhi karna padta hai jaise in udhgoyon dara taiyar saman ka pramapikaran nahi ho paata. Prashikshan, anusandhan tatha bajar savekshan ki suvidhaon ka abhav hai. Laghu tatha kuteer udhyogon ke shilpkaron ka koi sangathan nahi hai jisse unme samuhik sodebai ki shakti ka abhav paaya jaata hai.

Kuteer va laghu udhyogon ki samsayaon ke samadhan ke liye sujhav
Bharat mein kuteer va laghu udhyogon ki samasyaon ke samadhan ke liye nimnlikhit sujhav diye jaa sakte hai. Shilpkaron ko sahkarita ke aadhar par sangathit kiya jaaye, jisse unki samuhik kray shakti mein vradhi ho sake. Vibhinn stroton se kachhe maal ko kharidane ke liey paryapt matra mein saakh suvidhaein uplabdh karai jaaye. Maal ke kray vikray mein in udhyogon ko prathmikta di jaaye. Sahkari vipnan samitiyon ki sthapana ki jaaye. Utpadan laagat mein kami tatha kism sudhar ke liye prayas kiey jaaye.


Shikshan, prashikshan evam anusandhan ki suvidhaon ka vistar kiya jaaye. Utpadakon ko naveen upkaran prayog karne ke liye prtosahit kiya jaaye. Kuteer udhyogon ke vikas ki sambhavnaon ka pta lagane k liey vyapak roop se sarvekshan karaye jaayein. In udhyogon ke liye arakshi madon ki soochi ka prativarsh nirikshan kiya jaaye. Sthaniy kar bhar kam kiya jaaye. Vastutah yadi hame teevr gati se arthik vikas karna hai to hame bhootpoorv rashtrpati shri VV giri ke ghar ghar mein grah udhyog ke naare ko sarthak karna hoga. 

0 comments:

Post a Comment